Inicios
Dende sempre comprendemos que compartir, estender, democratizar…feitos de asociacionismo social e cultural que foran quen de abranguer moitas veces a veciños en risco de exclusión económica, social e educativa, era e segue a ser, xerme de integración e mellora para un pobo.
Eramos, sen sabelo, voluntarios espalladores do saber secular do noso pobo e entendemos que ese era o obxectivo que aparece reflectido no noso lema: “Un pobo culto é un pobo libre”.
“O Castro” é máis que un nome, é unha idea.
E buscamos un nome: “O Castro”. O castro, orixe dos nosos antergos. Á beira dese lugar emblemático, consideramos o mellor sitio para a nosa Casa de Cultura. Ese nome sonaba ben, coma aquel outro castro que identifica, que protexe, que axuda a organizar as vidas e colma as necesidades dos seus habitantes.
Historia
A Asociación Cultural o Castro comezou a súa actividade en 1990 na parroquia de Baión, Vilanova de Arousa e pouco a pouco foi aumentando a cantidade e calidade das súas actividades, así coma o seu ámbito territorial de actuación, oficialmente de carácter autonómico, rexistrada na Xunta de Galicia como “Entidade prestadora de Servizos Sociais”, co número E-6298.
No ano 2010, O Castro asina con UNICEF un convenio de colaboración (sendo a única asociación de Galicia, deste tipo, que ten asinado un convenio coa organización).
No ano 2012, dáselle carácter oficial ás actividades de ACCIÓN VOLUNTARIA creando así o “Grupo de Voluntariado da A.C. O Castro”, nunha sesión á que asistiron as primeiras autoridades autonómicas, pasando a estar rexistrada como “Entidade de Acción Voluntaria” na Xunta de Galicia co número O-619.
A partir desa data, lévanse a cabo, entre outros, proxectos medioambientais, de carácter etnográfico e, sobre todo, de carácter social.
Nos máis de trinta anos de historia , este regueiro que foi a A.C. “O Castro” no seu comezo, foi medrando ata converterse no gran río que hoxe é con máis de 2.500 socios
Contacto
Estamos no Centro Cultural O Castro, na rúa Carballo, s/n - Baión - 36614 - Vilanova de Arousa (Pontevedra) pulsa para ver no mapa cómo chegar
Levamos a cabo actividades tamén na Casa de Cultura de Baión, en Lugar Paderne, s/n - Baión - 36614 - Vilanova de Arousa. En fronte á Igrexa de San Xoán pulsa para ver no mapa cómo chegar
Podes contactar con nos por teléfono pulsa para chamar ao 646 359 703
Tamén enviar Whatsapp ao mesmo número pulsa para enviar mensaxe ao 646 359 703
Ou por correo electrónico pulsa para enviar mail a ocastrobaion@gmail.com
