Celebracións

Mostra de Oficios, tradicións e xogos populares 

As tradicións e costumes populares forman unha parte importante na identidade dos pobos e das persoas que os componen o transmitir valores e obxetivos compartidos, que xeran unha identidade colectiva que promove a identidade do individuo. 

A partires desa realidade identitaria xerada pola conservación das tradicións e costumes populares xurde a idea do presente proxecto: transmitir e fomentar entre as novas xeracións a cultura popular da nosa terra para seguir conservando dun xeito tranxeneracional o legado dos nosos antepasados.

Con estes fundamentos desenvolverase marco que suporá neste 2024 a posta en marcha da séptima mostra de oficios, tradicións e xogos populares, nesta edición ampliada ao marco da Comarca do Salnés, que terá lugar na segunda fin de semana de xuño (días 8 e 9), para o cal dende primeiros de ano a asociación prepara todas as actividades e infraestructuras que farán posible a realización da mostra final.

A Asociación conta cun número crecente de voluntarios, que veñen de recibir o Premio Galicia de Acción Voluntaria 2022, grazas aos cales se leva desenrolando a mostra en edicións anteriores. De entrada, cóntase que alomenos 50 persoas participen activamente en facer posible o proxecto, entre voluntariado xuvenil e senior. 

A estes voluntarios sumaranse membros de agrupacións e asociacións dos concellos participantes do Salnés, aos que se ampliou esta Mostra desde a anterior edición. 

A vida no rural sempre constou de maiores valores de colaboración, de actividades compartidas e de elementos en común que benefician a todos os integrantes do colectivo. É o momento de dar a coñecer ás novas xeracións maneiras de rescatar e renovar as tradicións e cotumes populares para achegalas a unha poboación que precisa medrar nese medio rural. E a colaboración na presente edición de concellos da comarca e da Mancomunidade do Salnés, potenciará a consecución desta meta.

(Fotos)

Encontro de Maiores

Anualmente

Encontro Internacional de Corais

Cada ano, a principios do mes de maio, a Coral da Asociación “Cantigas do Castro” organiza un Encontro de corais onde participan, ademais da coral anfitriona, grupos corais das catro provincias galegas, un grupo doutra Comunidade Autónoma e outro grupo de Portugal.

O evento central realízase no Auditorio de Vilanova. Previamente os grupos participan nunha xornada de convivencia con viaxes pola contorna e unha comida de confraternidade.

Fotos

Encontro de Rondallas

Chegando o Nadal, chega este certame queorganiza a Rondalla O Castro e reúne grupos de corda de toda Galicia e que fai as ledicias de grandes e pequenos. Celébrase no Salón de Actos da Casa de Cultura de Baión, coincidindo co festival de Nadal.

Fotos

Encontro de palilleiras

No mes de xaneiro xúntanse numerosísimos grupos de mulleres e algún home, que se esforzan por manter a fermosa arte de palillar para crear os máis fermosos encaixesde bolillos que despois se aplicarán nas máis diversas prendas, dende roupa tradicional ata as pezas e accesorios máis modernos.

É unha preciosa xornada de convivencia con comida, sorteos e moita amizade.

 

XVI Certame de teatro

No mes febreiro e organizado polo grupo de teatro “Aturuxo”da AC O Castro lévase a cabo durante tres xornadas festivas e moi divertidas o Certame de teatro que reúne a grupos teatrais da xeografía galega, moitos deles grupos senlleiros que desempeñaron e desempeñan un papel fundamental no espallamento da nosa lingua e da nosa cultura e que se caracterizan por estar integrados por actors e actrices afecionados que deixan o mellor deles encima dos escenarios.

Fotos

Festival de Unicef

O día 6 de decembro, e despois dunha semana intensa de sensibilización e concienciación como Asociación vinculada con Unicef a traves dun convenio asinado no 2010, celebramos no Auditorio Valle Inclán de Vilanova de Arousa, o Festival de Unicef, onde se invita a todos os socios e á veciñanza en xeral a acudir a este acto, onde actúan diferentes grupos da Asociación, e cuxa recaudación se fai chegar directamente a Unicef.

Fotos

Cea de Nadal

Na primeira quincena de Nadal, no fermoso entorno das instalacións da Bodega Gran Bazán, ten lugar un evento marabilloso e entrañable que reúne a moitos socios e representantes invitados de outras asociacións, así como autoridades que nos acompañan.

Aproveitamos para repasar as actividades e proxectos que a Asociación desenvolveu ao longo do ano que remata e trázase o esbozo das liñas maestras do novo ano.

Tamén é un momento de nostalxia no que recordamos a quen non está pero que fexo possible co seu impulse que sexamos unha das Asociacións culturais con máis proxección na nosa terra

.