XIII Xuntanza Internacional de Corais 2015

Sábado 6 de abril do 2015 en Baión.

XIII Xuntanza Internacional de Corais

Lun, 06/04/2015 - 22:18 — Luisrd

Lugar:

Baión

Data e hora:

Sab, 09/05/2015 - 19:00 - Dom, 10/05/2015 - 00:00

Despois das marabillosas experiencias dos anos pasados coas celebracións das doce edicións, de novo nos xuntamos para celebra-la XIII XUNTANZA INTERNACIONAL DE CORAIS, e renderlle así unha homenaxe a todas aquelas persoas, compoñentes de corais, que, con moito esforzo pero á vez con moita ilusión, nos deleitan coa súa música.

O noso desexo é de que pasemos un día de ledicia, de que disfrutemos intensamente con esta xornada musical e, sobre todo, de que sirva fundamentalmente para fomentar a amizade e a solidariedade entre os pobos, sentimentos que esperta a música.

A Asociación Cultural O Castro celebrou o pasado 09/05/2015 no polideportivo de Baión, na que participaron as seguintes corais.

Coral de RIANXO......................................................................... Rianxo - A CORUÑA
Coral polifónica de TABOADA....................................................... Taboada - LUGO
Coro polifónica VILADAUGA.......................................................... Laias - OURENSE
Coral Polifónica Santa Eulalia de Donas...................... Gondomar - PONTEVEDRA
Coro Voces del Alba........................................................................... La Robla - LEÓN
Coral S, MATEUS.............................................................. Grimancelos - PORTUGAL
Coral CANTIGAS DO CASTRO...................................................... Baión - Anfitriona

Dende a Asociación queremos agradecer a todas elas a súa participación.

Despois de quentar as voces, ás 19,00 h empezou o concerto, por certo con gran calidade dos participantes.

Ao remate da actuación houbo unha cea na que participaron unhas 300 persoas.

Os membros da Asociación están satisfeitos un ano máis cos resultados logrados, despois de moito tempo traballando para que a xornada saíra o mellor posible.

O bo ambiente que houbo, o humor, as ganas de pasalo ben fixeron de este día unha xornada inesquecible.

Unha forma de facer cultura a través do CANTO.