Nadal de Maiores - Encontro de Rondallas - Festival de Nadal 2017

Celebrado o domingo 17-12-2017 na Casa da Cultura de Baión cos seguintes actos:

17,30 Nadal de Maiores
18,30 XIV Encontro de Rondallas
19,30 Festival de Nadal

Ver Vídeo do Festival de Nadal 2017

Rondallas participantes

Rondalla “O CASTRO”

Baión (Pontevedra)

Director: D. Luis Renda Dios

A rondalla O CASTRO naceu no ano 1998 no seo da Asociación Cultural O Castro de Baión, con 30 compoñentes de tódalas idades.

As pezas do grupo están compostas basicamente por cancións populares, tendo tamén un repertorio conxunto coa Coral Cantigas do Castro da mesma asociación.

Súas actuacións esténdense por toda a xeografía galega e fora dela, destacando a participación na misa matinal da TVG co coro Cantigas do Castro, festival “Villa de Fabero” en Fabero (León), festival do “Instituto de Salud Carlos III” de Madrid, concerto na igrexa do Carme en Salamanca, auditorio Príncipe Felipe de Oviedo, Palacio da Audiencia de Soria, auditorio de San Atilano en Zamora, concerto na Robla (León), I Encontro Internacional de Música Tradicional de Riotinto (Portugal), no pasado mes de abril concerto en Carapeços (Portugal) acompañando a Coral Cantigas do Castro, en agosto en Cedillo (Cáceres) e no pasado mes de novembro en Alcobendas acompañando de novo a coral. Participou xunto co coro xuvenil “O Castro” no programa da TVG “Xa somos artistas” emitido o 28-12-2013.

Tamén apertura a Xuntanza Internacional de Corais en Baión que se leva a cabo tódolos anos en maio. Está dentro dos convenios da Deputación Provincial e Xunta de Galicia.

Ao fin de darlle un novo impulso á rondalla, dende o 2011 fíxose cargo dos principiantes Dª Teresa Pazos Dopazo. Conta na actualidade con 11 membros e están dirixidos dende seus inicios por D. Luis Renda Dios.

Programa

Vino tinto con sifón ....De la Zarzuela "La Chula Tanguista"Juan Rica
Viaje por España........................................................Popurri

Rondalla Armonía

Tapia de Casariego (Asturias)

Director: D. José Ramón Fernández

A rondalla Armonía, naceu en 2013, cando un grupo reducido de amantes da música dirixidos por D. José Ramón Fernández (Moncho), deciden crear unha rondalla. Aos poucos van sumándose compañeiros ata formar o grupo que máis ou menos integran hoxe, 3 guitarras, 4 bandurrias, 3 laudes, 1 percusionista e 3 voces, en total 14 compoñentes, que pertencen a municipios diferentes e a dúas comunidades, Asturias e Galicia coas dificultades que esta situación leva e que rara vez poden xuntarnos todos.

Participan en multitude de eventos, centros de día, residencias de terceira idade, centros culturais, semanas culturais festas de magosto, festas de entroido, clausuras de cursos, certame de rondallas nas Pontes de García Rodríguez (A Coruña), Festa de Indianos en Ribadeo Lugo, Ier Certame de Rondallas de Tapia de Casariego, V Encontro de Corda e Coro de Lieres (Pola de Siero Asturias) etc.

O repertorio da rondalla está baseado en temas populares e tradicionais.

Programa