O mércores día 23 de Abril de 2025 celebramos na Asociación Cultural O Castro o Día Internacional do Libro.
Esta iniciativa lévase a cabo ano tras ano entre os membros da nosa entidade co obxectivo de fomentar a lectura.
Nunha primeira xornada, elaboramos flores con papel de cores entre as persoas con diversidade funcional que acoden tódolos mércores a asociación. E, a continuación, coincidindo que ámbolos grupos (maiores e discapacidade) se atopaban na asociación esa mesma tarde, gozamos da intervención do noso ventrílocuo, animador sociocultural e contacontos, Alejandro Guanella, que amenizou a xornada coa súa mascota Tana.
Foi unha xornada interxeracional e moi interesante na que as persoas usuarias puideron entender unha xornada diferente en relación á conmemoración do Día Internacional do Libro.
Deixamos unhas fotos.
